Grásteinn á Svínadal

Myndir og texti: Árni Páll Ragnarsson

Upp af bænum á Reyðarfirði eru fjöllin Kollur og Teigagerðistindur. Milli þeirra liggur Svínadalur og þar er Grásteinn, um tvo kílómetra frá bænum. Steinninn er gríðarstór, ummálið við jarðvegsborð er 26 metrar og hæðin um fjórir til fimm metrar. Hann er því áberandi í umhverfinu á utanverðum Svínadal. Grásteinn er niður af Innri-Kistulæk, í framburðarurð. Væntanlega hefur hann einhvern tíma húrrað ofan úr Kistu, sem svo heitir í fjallinu fyrir ofan. Nú er urðin vel gróin og greinilega lítill framburður í læknum.

Grásteinn á Svínadal

Á Svínadal, alveg innað Grásteini, gengu kýr útbæinga á Reyðarfirði í þann tíð þegar flest heimili höfðu eigin kú. Steinninn gegndi þá hlutverki staðsetningarpunkts, eins og svo mörg örnefni sem nú eru að gleymast.  Miðaldra og eldri útbæingar á Reyðarfirði eiga flestir minningar tengdar kúarekstri á þessum slóðum. Að sögn eins kúasmalans þá var þeim bannað að vera með læti við Grástein eða að henda eða róta til steinum þar nálægt.

Grásteinn á Svínadal
 

Nýjasta blaðið

Glettingur 68. tölublað
Nr. 68 - 1. tbl 2017

Nýjasta tölublað

68. tölublað
Fjöldi áhugaverðra greina um málefni Austurlands.

Efnisyfirlit
Ljóðin
Ljósmyndarinn
Völundarvinjar og lúpína á Austurhálendinu
Villa á Skriðdalsöræfum
Ritstjórinn
Gamla myndin

Panta eintak

• Þrjú tölublöð á ári.
• Áskriftarverð kr. 4.500.
• Verð í lausasölu kr. 1.800.
• Nýir áskrifendur fá eldri hefti á afsláttarverði.

Panta áskrift / eintak

Forsíðan

Borði

Áskrift

Viltu gerast áskrifandi?
• Þrjú 52 síðna tölublöð á ári.
• Áskriftarverð kr. 4.500-
Pantaðu í síma 848 3314 eða smella hér >